اسلام آباد۔31 مئی(اے پی پی) مزن وزیر محمد نواز شریف راھدربری ئِ ھاسیت ئَ اَنچیں رھشون اِت کہ آئی ئِ سیاسی اِزمکاری چہ ایندگر آں چٹ آرا جُتا کنت، ھمے سبب ئَ پاکستانی اُلس ئِ مزنیں کساس ئِ آئی ئِ ھمبراھ اِنت۔ آ وتی رُژنائیں ئُُ مھکمیں بامردی ئِ سبب ئَ اَنچیں لیڈر اِت کہ آرا یک جوانیں رھشون ئِ گوشگ بیت۔ اے ھیالانی درشانی سے شمبے ئِ راچ ئَ الجزیرہ ئِ کارگسی تاکدیم ئِ تہ ئَ نببشتہ کتگیں نبشتانک ئِ تہ ئَ کُت اَنت، تجزیہ نگار ٹام حسین ئَ نبشتہ کُت کہ مزن وزیر محمد نواز شریف ئِ نامداری ئِ سبب ایش ھم اَست اِنت کہ آ پاکستان ئِ گشتریں اُلس ئِ نزیک ئَ لائک ئِ بھروسہ اِنت۔ مزن وزیر محمد نواز شریف ئَ جنرل پرویز مشرف ئِ دور ئِ حکومت ئَ پہ زور جلاوطنی ئَ سعودی عرب ئَ بوتگ، آھودا آرا وتی اِزمکاری ئَ را گیش مھکم کنگ ئِ موہ رستگ۔ ٹام حسین ئَ وتی نبشتانک ئِ تہ ئَ گوشت کہ محمد نواز شریف پاکستان ئِ سیاست ئِ اولی ھما رھشون اِنت کہ آئی ئَ وتی سیاسی چکانٹی ئُُ بیسہ ئِ سبب ئَ راجی رھشون زانگ ئُُ پھمگ بیت۔ آئی ئَ نبشتہ کُت کہ اے وھد ئَ اگاں پاکستانی راج وتی رھشون ئَ پہ نیکیں وھگانی درشانی ئَ کنگ ئَ اَنت ئُُ کمو گمیگ ھم اَست اَنت پہ آئی دِل ئِ اوپن ھارٹ سرجری ئَ گڈا اے وھگانی درشانی ئُُ گمیگ بوھگ راست اِنت۔ پاکستان ئَ را اے وھد ئَ محمد نواز شریف ئِ وڑیں لیڈر ئِ زلورت اِنت۔ وھد ئِ ملک ناشرکاری ئِ ھلاپ ئَ کامیاتیں جنگ ئِ کنگ ئَ اِنت ئُُ دومی نیمگ ئَ زرّکاری مھکمیں رنگ ئَ دیمروئی ھم کنگ ئَ اِنت۔ پاکستان ئَ آمریت ئِ سیمی زمانگ ئَ پد ھشت سال ئِ سکیں سنگینیں ساھت ئَ گوستگ۔ 2008ئَ وھد ئِ آمریت ئِ زمانگ ھلاس بوت گڈا بانُک بے نظیر بھٹو ئَ را شہید کنگ بوت ئُُ ملک ئَ ناشرکاری ئِ گرانیں نیاد ئِ داتگ۔ ایشی ئَ چہ پد محمد نواز شریف ئَ را 2013ئَ گچین کاری ئَ مزنیں باج بری رست ، اے وھد ئَ ملک ئَ سیکورٹی ئُُ زرکاری ئِ جاور اٰل سک ھراب اَنت ئُُ لوڈشیڈنگ ئَ وتی جاھ مندی کُتگ۔ گوستگیں سال ئَ بوھوکیں اُلسی سروے ئِ رد ئَ محمد نواز شریف ئِ نامداری گیش بوتگ۔ ھندی گچین کاری ئَ آئی ئِ گل ئَ بُنجاھی ئُُ مستریں صوبگ، پنجاپ ئَ گیشتریں سیٹ باج بُرت اَنت۔ زوتاں آئی ئِ پارٹی ئَ مزنیں کساس سئَ باج برئی کُت۔ نبشتہ کار ئَ پاکستان تحریک ئِ انصاف ئِ چیئرمین عمران خان ئَ گوں دیم پہ دیمی کنان ئَ نبشتہ کُت کہ انوں آرا محمد نواز شریف ئِ وڑ ئَ آ باید اِنت کہ نوں میچور وتارا سُہرا بہ کنت۔ عمران خان ئَ را وتی زبانی ھرچ ئُُ درچ ئِ سبب ئَ اُلس ئِ تہ ئَ گیش نامداری نیست۔
