کوئٹہ۔ 31مئی ( اے پی پی) گورنر بلوچستان محمد خان اچکزئی ئَ یونیورسٹی آف بلوچستان ئِ 13می کانووکیشن ئِ شریدار آں تران کنگ ئَ گشتگ انت کہ بلوچستان وتی محل و قوع ئِ اعتبار ئَ ھاسیں ارزشت داریت۔ شریں محل و قوع ئُُ قیمتی وسیلگ ئُُ معدن ئَ مالا مال بوھگ ئِ وجہ ئَ رو دراتک ئُُ رو برکتی ئِ نیام ئَ شریں رابطہ ئِ شریں ذریعہ انت۔ آئی ئَ گشتگ کہ قدرت ئَ مارا شریں محل و قوع ئُُ شریں موہ داتگ انت آئی ئَ سرجمی ئَ پائدگ زورگ مئے ذمہ واری انت۔ ھستیں شریں موہ ئَ سرجمی ئَ پائدگ زورگ ئِ ھاتر ئَ المی انت کہ ماں وانگ ئُُ زانگ، روژن ھیالی ئُُ فنی وانگ ئُُ زانگ ئِ سرجمیں وڑ ئَ دیمروی بہ دئیت۔ اے موہ ئَ اسپیکر بلوچستان اسمبلی راحیلہ حمید خان درانی، باسک اسمبلی، میئر کوئٹہ ، صوبائی سیکرٹری، بلوچستان یونیورسٹی ئِ وائس چانسلر ئَ ابید زانتکار وانگ ، سینئر استاد کرام ئُ نو در بر آنی یک مزنیں کساس ھوار ات۔ گورنر ئَ گشتگ کہ مرچی ئِ دگنیا یک وانوک ئُُ مہذب انسان ئِ جہت ئَ ہر مردم ئِ اے ذمہ واری انت کہ آ چاگرد ئِ دومی مردم آں عقل ئُُ استد لال ئَ روگ ئِ نیمگ ئَ بر انت۔ آئی ئَ پی ایچ ڈی ئُایم فل ئِ فارغ التحصیل اسکالر آں مبارکباتی پیش کرتگئُُ امیت درشان کرتگ کہ آ عقل ئُُ دانش ئِ پیامبر بئینت۔ آئی ئَ گشتگ کہ جامع بلوچستان ئَ بنیاتی ارزشت ھست انت ہر چنکس گوست ئَ کمیں وھد ئِ ھاتر ئَایشی چاگرد ئُُ کار ئُُ کرد غیر تسلی بخش منتگ نوں جاورال ئَ شری آتگ انت ئُُ یک بار پدا یونیورسٹی آف بلوچستان سر سوبی ئُُ دیمروی ئِ راہ ئَ روان انت۔ آئیئَ 13می کا نووکیشن ئِ سر سوب اڈ بوھگ ئِ سرا وائس چانسلر جامعہ بلوچستان ئُُ آئی ئِ درستیں ٹیمئِ بازیں کوشست آں سہڑائینتگ۔ دیما گورنر ئُُ سپیکر بلوچستان اسمبلی ئَ پی ایچ ڈی ئُُ ایم فل اسکالر آں گولڈ میڈل ئُُ سند بہر ئُُ بانگ کرت انت۔
