کابل ۔31مئی ( اے پی پی) اوگانستان ئِ صوبہ قندوز ءَ سلاھ بندیں مردماں کم ءُ گیش 16مردماناں مسافر بسا ں چہ ایر کتگ ءُ تیر جتگءُ کشتگ ءُ 30مردم آوار جتگ۔ امریکی ھال رسانکی وسیلگ ئَ صوبائی گورنر ئِ جارچین سعید محمود دانش ئِ ھوالگئَ چہ ھال داتگ کہ بساں زالبول ءُ زھگاں ھوار 200ئِ نزیک ئَ مردم سوار بوتگ اَنت۔ اے بساناں سلاھ بندیں مردماں کوچہ قزاقہ نامی دمگ ءَ داشتگ ءُ سوار مسافراناں زوراں سری ڈن ئَ کش اِتگءُ جہل ئَ ایر کتگ۔ سلاھ بندیں مردماں 16مردماناں تیر جتگ ءُ کشتگ۔ بازیں مردمے آھاں یل کتگ ءُ بلے انگت 30مردم آھانی گورئَ اَنت۔ پولیس ئَ گشتگ کہ آوار جتگیں مردمانی درگیجگ ئِ ھاترئَ آپریشن بندات کنگ بوتگ ۔ حکام ئَ گشتگ کہ سلاھ بندیں مردم آوار جتگیں مردمانی پجّاری کاٹاں چہ آھانی سرکاری ملازم بوھگئِ تصدیق ئَ کنگ ئَ اَنت ءُ گمان کنگ بوھگئَ اِنت کہ آوار جتگیں مردمانی تہا بازیں پیسرگیں پولیس اہلکار ھم ھوار اَنت۔
