اسلام آباد۔ 31مئی (اے پی پی) وزیراعظم محمد نوازشریف نا جان جوڑی کن سے شنبے آ پیشیم نا نماز آن پد پارلیمنٹ ہاﺅس نا مسیت اٹی خصوصی دعائیہ دود اس اڈ ہلک ہراٹی اسپیکر قومی اسمبلی سردارایاز صادق ، پشتونخواہ ملی عوامی پارٹی نا سروک محمودخان اچکزئی، مسلم لیگ(ن) نا باسک قومی اسمبلی میاں عبدالمنان تون اوار سیکرٹری قومی اسمبلی و ایلو عملہ غاک بھلو کچ اسیٹی شرکت کریر۔ پارلیمنٹ ہاﺅس مسیت نا خطیب وزیراعظم نا جان جوڑی کن خصوصی دعاکرفے۔ اوکان مست اسپیکر قومی اسمبلی تینا چیمبر اٹی نجی ٹی وی چینلز ئِ وزیراعظم نا جان جوڑی نا بابت تینا کلہو ئِ ہم ریکارڈ کرفے ہراٹی او پارے کہ وزیراعظم محمد نواز شریف نا است انا آپریشن جاری ئِ ، اللہ تعالیٰ وزیراعظم ئِ جان جوڑی و زند عطاءفرمائفے تانکہ او ہراوڑپاکستان نا خذمت ئِ کننگ ئِ ہنداوڑ پین وخت اس ہم کرساکیک۔
