اسلام آباد۔ 31مئی (اے پی پی) بنجائی وزیر ڈٹ بندی ، شون و اصلاحات احسن اقبال پارینے کہ توانائی ٹی زرکاری حکومت نا اولین اولیت ئِ، شون اکن توانائی لائف لائن ئِ ، مسکوہی 15سال آتیٹی توانائی نا بشخ اٹی ہچ ئُ کاریم اس متو۔ داخیال آتا درشانی ئِ او سے شنبے آ توانائی آن بابت جہانی کانفرنس آن تران کرسا کرے۔ بنجائی وزیر پارے کہ تھر اٹی بجلی نا پیداوار نا دوئی کن اولیکو وار عملی گام گیج نا بناءکننگانے ہراڑآن 6600 میگاواٹ بجلی دوئی مریک و ملک اٹی لوڈشیڈنگ نا چٹفنگ اٹی اہم کڑد ادا کیک۔ اوپارے کہ توانائی نا تنکی حکومت ئِ میرات اٹی ملانے۔ مسلم لیگ(ن) ملک اٹی توانائی نا تنکی نا مون ئِ توننگ کن الس تون ہرا وعدہ غاتے کریسس اوفتے پورو کننگ انگ ئِ۔ اوپارے کہ حکومت نا الس دوست پالیسی تیان الس ئِ فائدہ مریک و اوفتا معیار زند گچین مریک۔ اوپارے کہ مسکوہی نا18گھنٹہ نا لوڈشیڈنگ ئِ 6گھنٹہ غا ایسون۔
