چمن۔ 31مئی (اے پی پی) چمن اٹی سیکورٹی فورسز آتا برمتہ گر آتا برخلاف سرچ آپریشن، برمتہ مروک پوریاگر عبدالنافع ئِ بازیاب کرفنگا، 36مبینہ برمتہ گر دزگیر ، سیکورٹی فورسز آک برمتہ گرآتا ٹھکانہ غاتے خاخر تسر۔سیکورٹی کمامدارآتا رداٹ سے شنبے آ چمن نا علاقہ میرالزئی ٹی سیکورٹی فورسز آتا برمتہ گر تا برخلاف سرچ آپریشن، برمتہ مروک پوریاگر عبدالنافع ئِ بازیاب کرفنگا۔ 36مبینہ برمتہ گر دزگیر وخت اس کہ سیکورٹی فورسز آک برمتہ گر تا ٹھکانہ غاتے خاخر تسر۔ ڈپٹی کمشنر چمن خدائے داد خان احمد زئی ہندی صحافی تے بریفنگ ترسا پارے کہ دا آپریشن چمن نا علاقہ میرالزئی ٹی اودیم حوال ملنگ آ 36برمتہ گر آتے دزگیر کرسا اوفتا ٹھکانہ غاتے پوروی وڑاٹ خاخر تننگانے وخت اس کہ چمن نا برمتہ مروک پوریا گر عبدالنافع ئِ بازیاب کرفنگا وخت اس کہ برمتہ گرتا ٹھکانہ غاتیان پنچ دانہ موٹرسائیکل ہم دوئی کننگا۔ ڈپٹی کمشنر چمن خدائے داد خان احمد زئی مستی پارے کہ مچ آ ضلع ٹی امن و ایمنی بحال کننگ ضلعی انتظامیہ نا اولین اولیت ئِ، برمتہ گر آتا برخلاف کریک ڈاﺅن نا بناءکننگانے۔ اوپارے کہ دااسہ بھلو سرسہب ئُ آپریشن اس ئسک ہراٹی کوئٹہ غان بروک آ اے ٹی ایف، و چمن آن پولیس ولیویز کارندہ غاک بشخ ہلکر ہرانا چاروکی ئِ ای تینٹ کریٹہ و ہراتم نن آپریشن نا بنائِ کرین تو کسس ہم مزاحمت کتو و نن برمتہ گر آتا ٹھکانہ غاتیان 36مبینہ دوبہ دار آتے دزگیر کننگانے مستی جاست وپاست کن اوفتے کوئٹہ غا گدریفنگانے۔
