نیو یارک۔26ستمبر (اے پی پی): مزن وزیر محمد شہباز شریف ءُ میاں اوستمانی مالیاتی فنڈ منیجنگ ڈائریکٹر کرسٹالینا جار جیوا ءَ معاشی برجائی ءُ دیمروئی دیگ ءِ واستہ حکومت ءُ آئی ایم ایف ءِ نیام ءَ کمک آناں مھکم جوڑ کنگ ءِ ھوالگ ءَ تپاک کتگ وھدیکہ مزن وزیر ءَ پاکستان ءِ 7 ارب ڈالر ءِ شاھیگانی دیگ ءِ فنڈ آسراتی آنی ھوالگءَ چہ 37 ماہ ءَ کامیات سٹاف لیول منوگری ءِ وستہ آئی ایم ایف ءِ کمک آناں ساڑاتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پنچ شمبے ءِ روچ ءَ مزن وزیر محمد شہباز شریف ءَ گوں نیویارک ءَ یونائیٹڈ نیشن ءِ جنرل اسمبلی ءِ موہ ءَ میاں اوستمانی مالیاتی فنڈ آئی ایم ایف ءِ منیجنگ ڈاسئریکٹر کرسٹالینا جارجیوا ءِ گوما گند ءُ نند کتگ۔ پاکستان ءِ 7 ارب ڈالر ءِ شاھیگانی فنڈ آسراتی آنی ھولگ ءَ چہ 37 ماہ ءِ کامیاتی سٹاف لیول ایگریمنٹ ءِ واستہ آئی ایم ایف ءِ کمک آناں ساڑاتگ ءُ مزن وزیر ءَ را ادارگ آنی گہتری ءِ کار ءُ پرائیویٹ شوبگ آنی دیمروئی دیگ ءِ واستہ حکومت ءِ جزم ءِ درشان کتگ۔ مزن وزیر ءَ آئی ایم ایف ءِ تکنیکی کمک ءُ گہتری کار آنی پروگرام ءِ توسیپ کت ایشی ءَ چہ ملک ءِ ادارگ آناں مھکم جوڑ کنگ ءُ ایشی ءِ معاشی انتظامی ءَ را گہتر جوڑ کنگ ءَ کمک رسیت۔ آئی ایم ایف ءِ منییجنگ ڈائریکٹر ءَ وتی ادارگ آنی نیمگ ءَ چہ پاکستان ل ءِ کوشست آنی کمک ءِ درشان کت ءُ میکرواکنامک برجائی ءَ را برجا دارگ ءُ ٹوھیں ءُ مھکمیں دیمروئی دیگ ءِ ارزشت ءِ سر ءَ زور پر داست۔ گند ءُ نند ءِ ساھت ءَ آئی ءَ موسمی مٹ ءُ بدلی آنی واستہ لیکہ آناں مالی کمک ءِ برجائی ءِضلورت ءِ ھوالگ ءَ ھیال ریچی کت۔ مزن وزیر ءَ اکتوبر ءَ بوھوکیں ھمک سالی دیوان ءِ ساھت ءَ وزیر ءِ ھزانگ ءَ را آئی ایم ایف ءِ کلانہ ایں انتظامیہ ءِ گوما ایشی ءِ اے جیڈھ ءَ را چست کنگ ءِ بابت ءَ تپاک کت۔ دوئیں سروک آں معاشی برجائی ءُ دیمروئیءَ را دیمروئی دیگ ءِ واستہ حکومت ءُ آئی ایم ایف ءِ نیام ءَ کمک آنان مھکم جوڑ کنگ ءِ سر ءَ تپاک کت۔
