وزیراعظم نا اسرائیل نا ودوک آ جارحیت نا مذمت، دے ٹک نیامی ٹی پائیدارامن کن دمدستی جنگ بندی و اِرا ریاستی ایسر آن بیدس پین ہچ ءُ چارہ اس اف، شہباز نا میڈیا تون گپ وتران

نیویارک۔ 26 ستمبر (اے پی پی) وزیراعظم محمد شہباز شریف اسرائیل نا ودوک آ جارحیت نا مذمت ءِ کرسا پارینے کہ دے ٹک نیامی ٹی پائیدار امن کن دمدستی جنگ بندی و اِرا ریاستی ایسری آن بیدس پین ہچ ءُ چارہ اس اف۔ داخیال آتا درشانی ءِ اقوام متحدہ نا جنرل اسمبلی نا 79 می دیوان نا وخت آمیڈیا تون گپ وتران کرسا کرے۔ اوپارےکہ غزہ ٹی تاریخ نا بدترین ظلم برجاءِ، اسرائیل نا بیروت آ فضائی جلہو ہراٹی حزب اللہ نا اسہ سینئر کمانڈراس شہید مس، او دنیا کن بھسکار ئس، نن اسرائیل نا گام انا مذمت ءِ کینہ، و جہانی کہول آ ہم اسرائیلی ظلم انا بایدے مذمت ءِکننگے۔ اوپارے کہ اسرائیل نا بیروت آ جلہو پرامن دنیا کن بھسکار جوڑمریک، دے ٹک نیامی ٹی پائیدارامن کن دمدستی جنگ بندی و اِراریاستی ایسری آن بیدس پین ہچ ءُ چارہ اس اف ونن دمدستی جنگ بندی خوانہ۔