کوئٹہ۔ 30مئی ( اے پی پی ) گورنر بلوچستان محمد خان اچکزئی ئَ گشتگ انت کہ انسانی بیرانی زمین چھنڈ ئِ وجہ ئَ نہ بلکں بازیں منزلہ ماڑی آنی ناقص ئُُ گیر محفوظ جوڑ ئُُ جاڑی ئِ وجہ ئَ بیت انت، اے پڑئَ باندات ئَ انسانی ئُُ مالی تاوان ئَ کم کنگ ئِ ھاتر ئَ ماڑی آنی جوڑ ئُُ جاڑی ئَ بلڈنگ کوڈئِ باروا قواعد ئُُ ضوابط ئِ سرا سکی ئَ عمل کنگ المی آئی ئَ گشتگ کہ صوبہ ئَ آپ ئِ پڑ ھتر ناک ھد ئَ جہل شتگ انت۔ آپ ئِ جہل بوھگ ئِ پڑ ئَ دست گرگ ئِ ھاتر ئَ مارا سد نہ بلکں ہزار بند آنی سد ضلورت انت۔ اے ھیال آنی درشانی آئی ئَ دو شمبے ئِ روچ پی ڈی ایم اے ئُُ مسلم ہینڈز ئِ بندئُُ بست ئَ یک روچی سیمینار ئِ شریدار آں تران کنگ ئَ کرتگ۔ اے موہ ئَ صوبائی وزیر داخلہ میر سر فراز بگٹی، صوبائی سیکرٹریز، ڈی جی پی ڈی ایم اے زاہد سلیم، مسلم ہینڈز ئِ راھشون جاوید دیلانی، وائس چانسلر پروفسیر ڈاکٹر جاوید اقبال ئُُ زانت کار محققیئِ بازیں کساس ھوار ات انت۔ گورنر بلوچستان ئَ اے موہ ئَ گشتگ کہ بلوچستان ئَ کوہی ئُُ پٹی دمگ ئَ جنگل ئُُ زر خیزی ئُُ بازیں کساس ئَ ھست انت بلے جنگلات ئِ کٹائی ئُُ منصوبہ بندی ئِ فقدان ئَ جاورال ئِ سک جوڑ کرتگ انت۔ آئی ئَ محکمہ جنگلات ئِ کار ئُُ کرد ئِ سرا اپسوزے ئِ درشانی کرتگ حکومت وھد جنگلات ئِ شعبہ ئَ وتی ترجیح آں ھوار بہ کنت تنکہ شریں منصوبہ بندی ئِ ردا اول ئَ ھستیں جنگلات ئِ رکھگ ئِ گوں ھواری ئَ نوکی نر سر ی جوڑ بہ کنت۔ آئی ئَ گشتگ کہ بچتگ سر سبز ئُُ شاداب وادی ئُُ جنگلات ئِ رکھگ ئِ ھاتر ئَ ہمگرنچ جاگہ آں حفاظتی ھار جوڑ بہ کن ات۔ گورنر ئَ گشتگ کہ گوستگیں بازیں سال آں ھور نہ بوھگ ئُُ ھشک سالی ئِ وجہئَ بلوچستان ئِ بازیں دمگ آں ڈکال چشیں جاورال پیداک بوھگ ئَ انت آئی ئَ زوتیں وڑ ئَ دو چار کنگ المی انت گورنر بلوچستان ئَ یک روچی سیمینار ئَ قدرتی آفات ئَ دو چار ئِ تیاری ئِ ھوالہ ئَ زانتکار آنی پیش کرتگیں مکالہ آں سہڑائینگ ئَ گشتگ کہ اےشی ئَ قدرتی آفات ئِ باروا پالیسی جوڑ کنگ ئِ سرا شریں اثر کپیت۔ گورنر ئَ گشتگ کہ قدرتی آفتاب گوست ئَ ہم آتگ ات انت ئُُ باندات ئَ ہم کائینت بلے ضلورت اے گپے انت کہ قدرتی آفتاب ئَ دو ار ئُُ استعداد کار ئَ شر جوڑ کنگ ئُُ پیش خطرات ئَ ھبر دار بوھگ ئُُ سوگو بنیاتی ڈھانچہ جوڑ کنگ اولی ترجیح بوھگ لوٹیت۔ آئی ئَ گشتگ کہ اے مئے وش بہتی انت کہ صوبہ ئِ آباتی کم انت ئُُ اے کم آباتی ئِ وجہ ئَ پیشگی حفاظتی گام گیج شریں وڑ ئَ کرت کنا نت۔ سیمینار ئِ آھر ئَ گورنر بلوچستان ئَ منتظمین ئُُ شریدار آں شیلڈ ئُُ سند بہر ئُُ بانگ کرتگ
