واشنگٹن۔ 04 ستمبر (اے پی پی) امریکہ ٹی پاکستان نا پوسکن آ سفیر رضوان سعید شیخ امریکی کانگریس اٹی پاکستان کاکس نا باسک ٹام سوزی تون ٹیل فون آ گپ وترا ن کرے، ہراٹی ہڑتوم آملک آتا نیام اٹ ہڑتوم آکنڈآتا کمکاری ءِپین سوگو کننگ آ تین پہ تینی گپ وتران کننگا۔ پاکستانی سفارت خانہ نا کنڈآن جاری پریس ریلیز نا رداٹ باسک کانگریس ٹام سوزی پاکستانی سفیر رضوان سعید شیخ ءِ امریکہ ٹی پوسکن آ زمواری تے سنبھالنگ آ مبارکبادی تس۔پاکستانی سفیر ہڑتوم آملک و ڈیہہ اکن پاک امریکہ تعلقداری نا اہمیت آ زور شاغا۔ پریس ریلیز نا رداٹ پاکستانی سفیر رضوان سعید شیخ ہڑتوم آکنڈآتا مثبت شریداری آ ہیت کرساپارےکہ نن کثیر جہتی تعلقداری خاص وڑاٹ اقتصادی تعلقداری تے پین سوگو کننگ کن خیرخواہی و سنگتی نا داجوزہ ءِ پورو وڑاٹ کاریم اٹ اتنگ کن سنبرینگوک ءِ۔ اویوم آزادی نا وخت آ کانگریس باسک ٹام سوزی ناخیرخواہی و تہنیتی کلہوآ منت واری ءِ ہرفے۔ کانگریس باسک ٹام سوزی پاک امریکہ تعلقداری تے سوگو کننگ و ملک اکن اوفتا خذمت آتیا پاکستانی کمیونٹی نا ستاءِ کرے۔ گپ وتران اٹی او پاک امریکہ تعلقداری تے سوگو کننگ ، الس تون الس تعلقداری تے مون آ دننگ کن اواری اٹ کاریم کننگ و امریکی کانگریس اٹی پاکستانی کاکس ءِ متحرک و سوگو کننگ نا تینا عزم انا درشانی ءِ کریر۔
