بیجنگ۔ 29 اگست (اے پی پی) 2024’’بیلٹ اینڈ روڈ‘‘ میڈیا کوآپریشن فورم چین نا صوبہ سی چھوان نا شار چھنگ ڈواٹی پنچ شنبے نادے آ اڈ ہلک۔ سی پی سی نا مرکزی کمیٹی نا سیاسی بیورو نا باسک و سی پی سی نا مرکزی کمیٹی نا پبلسٹی ڈیپارٹمنٹ نا سروک لی شولے بنائی دود اٹی بشخ ہلک۔ 76 ملک آتا 191 میڈیا ادارہ غاتا 200 آن زیات سروک، ایڈیٹر و رپورٹر، تعلقدار محکمہ غاتا انچارج کامریڈ، چاہندار، اسکالرو کاروباری نمائندہ غاک فورم اٹی بشخ ہلکر۔ فورم اٹی ’’بیلٹ اینڈ روڈ‘‘ میڈیا کوآپریشن چھنگ ڈوانیشیٹو‘‘ جاری کننگا۔ فورم اٹی مہمانک پاریر کہ ’’بیلٹ اینڈ روڈ‘‘ انیشی ایٹیو نا اسیجائی تفنگ نا بناچین آن مسنے و اونا نتیجہ و وارخواہی دنیا تون تعلق تخک۔ ہراتم آن صدر شی جن پنگ 2013 ٹی دااہم انیشی ایٹیو نا سلاہ ءِ پیش کریسس ، ’’بیلٹ اینڈ روڈ‘‘ جہانی کمکاری خاطرخواہ و حقی نتیجہ دوئی کرینے۔ فورم اٹی شریک مہمانک تینا خیال آتے پاش کریر کہ میڈیا شونداری نتیجہ غاتے پاش کننگ کن اسہ کھڑکی اسے و عملی کمکاری ءِ مون آ دننگ کن اسہ کڑی اسے۔ میڈیا ءِ اسیجائی وڑاٹ غٹ فریق آتانیام اٹ سرسہبی ناکمکاری نا کِسہ ءِ بایدے بِنفنگے۔ عملی شونداری ءِ مون آ دننگ نا زمواری ءِ بایدے امنا کننگے، و ’’بیلٹ اینڈ روڈ‘‘ نا اسیجائی وڑاٹ تعمیر و دنیا ٹی اونا مثبت کڑد انابارواٹی گہرائی اٹ رپورٹنگ بایدے کننگے۔
