کوہالہ۔ 30مئی (اے پی پی) بنجائی وزیر اطلاعات و نشریات سینیٹر پرویز رشید پارینے کہ ببو اواری اٹ کشمیر ئِ شون نا کسر آ روان کین ، وزیراعظم محمد نواز شریف آزاد کشمیر نا شون ، تعلیم ، جان جوڑی و روڈ آتے کن پیپلز پارٹی آزاد کشمیر نا حکومت ئِ 300ارب روپئی تس ولے اونا 10درسد بشخ ہم اوڈٹ آتیا خلوک نظر بفک، آزاد کشمیر نا الس آزاد کشمیر نا وزیراعظم آن ہریفیر کہ نیزگار آتا باورچی خانہ ئِ چلیفنگ کن ہراپیسہ غاتے بنجاءتس او ہرانگ ہنار، گچین کاری تیٹی مسلم لیگ(ن) نا سرسہبی آن گڈ ہڑتوم آ کنڈآتیان اسہ ہی وڑنا پاکستان مریک۔ کوہالہ نا خڑک برسالہ نا ہند آ مسلم لیگ (ن) نا گچین کاری دفتر نا افتتاح ناوخت آ تران کرسا اوپارے کہ نن کوہالہ نا پول آسلوک اُن، پول انا اسہ کنڈ پاکستان و ایلو کنڈ آزاد کشمیر ئِ۔ ہڑتوم آ کنڈآتیاپاکستان ئِ، اسہ کنڈ پاکستان نا صوبہ پنجاب ئِ و ایلو کنڈ ریاست آزادکشمیر ئِ۔ ہڑتوم آ کنڈپاکستان جتاوڑانا ئِ۔ اوپارے کہ پنجاب نا کنڈانا پاکستان شون اٹی مون آ ہنانے و کشمیر نا خلقت آتے روزگار ، کاروبار، ملازمت ، درمان، تعلیم کن اسہ کنڈ آ بروئی تمک۔ ایلو کنڈ آسراتی تا کمبوتی نا سوب خلقت آتے پول آن ایپار انوئی تمک ہراڑے روزگار ، تعلیم، جان جوڑی میسر ئِ۔ اوپارے کہ گچین کاری تیٹی مسلم لیگ (ن) نا سرسہبی آن گڈ ہڑتوم آ کنڈآتیا اسہ وڑنا پاکستان مریک۔ اوپارے کہ وزیراعظم محمد نواز شریف آزاد کشمیر نا شون ، تعلیم، جان جوڑی و روڈ آتے کن پیپلز پارٹی آزاد کشمیر نا حکومت ئِ 300 ارب روپئی تس ولے اونا 10درسد بشخ ہم او ڈٹ آتیاخلوک نظر بفک۔ آزاد کشمیر نا الس آزاد کشمیر نا وزیراعظم آن ہریفیر کہ نیزگارآتا باورچی خانہ ئِ چلیفنگ کن ہراپیسہ غاتے بنجاتس اوہرانگ ہنار۔ پاکستان اٹی مسلم لیگ (ن) نا حکومت نا کارکڑد نم مست ہم خنارے و داساہم خننگ اورے ہنداخاطران نمے تینٹ اخذ کروئی مرے کہ نمے گچین حکومت ہراڑے نشان بننگ ئِ۔ اوپارے کہ مشرف نا حکومت دہشت گردی و فرقہ واریت کون آ ویل آتے تس وخت اس کہ پیپلز پارٹی لوٹ مار کرے ، بنجاءو پنجاب اٹی مسلم لیگ (ن) نا حکومت اڈ ہلک ہراڑے شون نا سفر جاری ئِ، دہشت گردی نا خاتمہ مسنے۔ بجلی نا کارخانہ غاک چلینگ انگ ئُ و گوادر اسکان موٹرویز نا جال شاغنگ انگ ئِ ہراکہ نما آزاد کشمیر آن گدرینگک۔ اوپارے کہ آزاد کشمیر اٹی مسلم لیگ (ن) نا سرسہبی آن گڈ بنجاٹی وآزادکشمیر اٹی اسہ ہی جماعت نا حکومت مریک ہراڑآن سری نگر ئِ تاثر کاہک کہ قائد اعظم نا جماعت نا حکومت پاکستان و آزاد کشمیر اٹی اڈ ہلکونے۔ اوپارے کہ ببو اواری اٹ کشمیر ئِ شون نا کسر آ روان کین ہراڑے کے پی کے کون آ حالیت آک مفس۔
