اقوام متحدہ ۔26اگست (اے پی پی):اقوام متحدہ ءِ جنرل سیکرٹری انتونیو گوتریش ءَ اسرائیل ءُ حزب اللہ ءِ یک دومی ءِ سرءَ اُرشانی حوالگءَ تکانسری ءِ درشانی کتگءُ مردماناں تحملءُ سگءُ اوپار کنگءِ زور پِر داتگ۔ شنہواءِ ردءَ میاں اوستمانی ادارگءِ سروک ءِ جارچین سٹیفن دوجارک ءَ شنگ کتگیں بیان ءِ ردءَ انتونیوگوتریش اسرائیل ءُ حزب اللہ ءِ انوگیں جنگءُ جُڈ ءِ سرءَ سک باز پکر کنگءَ ایں، کاروائیاں چہ لبنانی ءُ اسرائیلی دوئیں آباتی ءُ دمگی سلامتی ءُ محکمی ءَ را ہم ھترہ اَست۔ آئیءَ گشتگ کہ یو این سیکرٹری جنرل ءَ زوتاں زوت جاورھالاناں گہتر کنگءُ اقوام متحدہ ءِ سلامتی کونسل ءِ تپاک نامہ 1701 ءِ سرءَ سرجمی ءَ عمل کنگءِ دزبندی کتگ۔
