اسلام آباد۔ 16 اگست (اے پی پی) فلسطینی اتھارٹی نا صدر محمود عباس ترک پارلیمان آن تران کرسا پارینے کہ او غزہ غا ضرور کاہک۔ العربیہ نا رداٹ اوپارے کہ او فلسطینی راہشون آتون اواری اٹ غزہ غا کاہک۔ محمود عباس تینا عربی زبان اٹی کروک آتران اٹی پارے کہ ای غزہ غا ہِننگ نا فیصلہ کرینٹ، ای اوڑآ ضرور عمل کیوہ۔ چائے اوٹی کنا جان ہم کائے۔ اوپارے کہ ننا زند لس فلسطینی چناتیان زیات نہادی اف۔ محمود عباس نا پاننگ ئس کہ غزہ مچ انا مچ فلسطین نا ءُ و نن اونا بشخنگ ءِ منپنہ۔
