سعودی عرب نا وزیر خارجہ نا برطانوی ہم منصب تون اوڑدہی

لندن۔ 15 اگست (اے پی پی) سعودی عرب نا وزیرخارجہ شہزادہ فیصل بن فرحان لندن اٹی برطانوی ہم منصب ڈیوڈ لیمی تون اوڑدہی کرے ہراٹی تازہ انگا علاقائی و جہانی حالیت آتیا گپ وتران کننگا۔ ایس پی اے نا رداٹ وزارت خارجہ غان جاری بیان اٹی پاننگاکہ اوڑدہی ٹی ہڑتوم آ راہشونک ہڑتوم آ کنڈآتا تعلقداری و چندی بشخ آتیٹی اوفتا شونداری نا وڑوڈول آتا جاچ ءِ ہلکر۔ داکان بیدس علاقائی و جہانی حالیت خاص کر غزہ نا تنکی آ گپ وتران کننگا۔ داوخت آ برطانیہ ٹی سعودی عرب نا سفیر شہزادہ خالد بن بندربن سلطان ہم ساڑی ئسک۔ یات سلے کہ شہزادہ فیصل بن فرحان سے شنبے نادے آ سرکاری دورہ غا برطانیہ غا سرمسوسس۔