لندن۔ 30مئی (اے پی پی) وزیراعظم محمد نواز شریف نیک خوائش آتا درشانی و اونا زوت جان جوڑی کن دعاکننگ آ قوم اتون اظہار تشکر کرینے۔ دوشنبے آ ویڈیو لنک نا ذریعہ قومی اقتصادی کونسل نا دیوان و کابینہ نا خصوصی دیوان نا کماشی ئِ کرسا داڑے پاکستان ہائی کمیشن آ بننگ آن گڈ صحافی تتون ہیت وگپ کرسا وزیراعظم پارے کہ او ہمو بندغ آتا ہم منت وار ئِ ہراک اونا حال پرسی کن ٹیلی فون کریر۔ وزیراعظم ہرانا سے شنبے آ ہارٹ سرجری مریک، پارے کہ او سوشل میڈیا غا ہم نیک خوائش آتا کلہو آتے خوانانے۔ اوپارے کہ او مسلمان، مسیح و ہندوتتون اوار قوم انا منت وار ئِ ہرااونا جان جوڑی کن دعاگوئُ۔ وزیراعظم میڈیا ئِ پارے کہ او بجٹ تجاویز آ صلابت نا بشخ مسنے۔
