کوئٹہ۔ 12 جولائی (اے پی پی) صوبائی سلاہکار لیبر اینڈ مین پاور سردار بابا غلام رسول عمرانی پارینے کہ محکمہ مین پاور صوبہ ٹی اہمیت تخوک آ محکمہ ءِ ہراڑآن صوبہ نا الس ءِ گچین فائدہ و حکومت درکار مالی فائدہ نا رسینگ کن پبی کوشست کیک، تعلیم جان جوڑی و کسبکاری نا بشخ اٹی محکمہ ہذاءِ پوسکن آ وڑتتون ہم گرنچ کننگ کن چندی سلاہ و پوسکن آ حکمت عملی آ سجفنگ برجاءِ۔ محکمہ نا توسط اٹ نصیر آباد اٹی ہم است بڈ کارکڑد نشان ایتنہ۔ داخیال آتا درشانی ءِ او سینئر صحافی تا ڈل اتون گپ وتران کرساکرے۔ سردار باباغلام رسول عمرانی پارے کہ مچ آ صوبہ نا الس کن کنا درگہ ملوک ءِ ، ہرامسخت کن سیاست اٹ بشخ ہلکونن او مسخت صوبہ نا الس نا خذمت ءِ نن الس نا اومیت آتیا پورو سلنگ نا ہر ممکن کوشست کننگ اُن، محکمہ محنت و افرادی قوت ءِ اسہ چیلنج اس تکسا امنا کرینن، محکمہ نا توسط اٹ الس نا خذمت ننا اولیت آتیٹی اوارءِ۔ اوپارے کہ دروغ و منافقت نا سیاست آن کنے بھاز نفرت ءِ ، نصیر آباد کن صوبہ و بنجاغان جان جوڑی تعلیم مواصلات کشت وکشار وایلو بشخ آتیٹی پین اسکیم اتسا الس تون کروک آ غٹ قول آتے پورو کینہ، نن تہہ کرینن نن تینٹ الس آ ہنسا اوفتا ویل آتے ایسر کینہ ۔ سردار بابا غلام رسول عمرانی پارے کہ ان شاءاللہ تعالیٰ ننا کارکڑد صوبہ نا 20 سال انا کارکڑد ءِ پدی ہلک انتے کہ ساڑی حکومت پیپلزپارٹی نا منشور و صدر پاکستان آصف علی زرداری و بلاول بھٹو زرداری نا الس دوست پالیسی تیا گامزن مرسا ملک آن نیزگاری ءِ چٹفنگ و نیزگار الس ءِ شونداری نادنگ اٹ اوار کننگ آ ترندی اٹ گامزن ءِ، نصیر آباد کن پیپلزپارٹی پین السی ڈٹ آتا جال اس تالان کیک۔
