کراچی ۔ 30مئی( اے پی پی ) کراچیئِ دمگ اسٹیل ٹاﺅن ئَ تراک ئِ نتیجگ ئَ چینی شہری ئَ ھوار2مردم ٹپیگ بوتگ اَنت ، ٹپیاناں نزیکی نادراھ جاھ ئَ سرکنگ بوتگ۔ ایس ایس پی ملیر راﺅ انوار ئَ گشتگ کہ گلشن حدیدئَ گرین بیلٹ ئَ بارودی مواد کنڈ کتگ بوتگ کہ زور ئِ گوما ترکّ اِتگ کہ ایشی ئِ نتیجگ ئَ نزیک ئَ گوازوکیں گاڑیانی شیشگ پروشتگ اَنت ءُ آئیئَ سوار یک چینی شہریئَ ھوار دو مردم ٹپیگ بوتگ اَنت۔ ٹپیاناں زوت طبی کمک ئِ ھاترئَ زوت نادراھ جاھئَ سر کنگ بوتگ۔ ایس ایس پی راﺅ انوار ئِ گشگ اِنت کہ تراک ئِ جاھئَ دھمکی نبشتہ کتگیں کاگد ھم دست کپتگ۔ پولیسئَ گشتگ کہ تراک ریموٹ کنٹرول ڈیوائس ئَ چہ کنگ بوتگ ، تراک ئِ نتیجگئَ یک گاڑےے ئَ را تاوان رسیتگ۔ پولیس ءُ ایندگہ فورس آں وتئَ را موھ ئِ سرئَ سر کتگ ءُ وئیل ئِ ھوالگ ءَ جُست ءُ پُرس بندات کتگ۔
