اسلام آباد۔ 05 جولائی (اے پی پی) ڈپٹی چیئرمین سینیٹ سیدال خان پارینے کہ بلوچستان ءِ اللہ تعالیٰ قدرتی وسیلہ غاتیان شپ کرینے، داوسیلہ غاتا ٹرانسپورٹیشن اٹ ریلوائی نا اہم ءُ کڑد اسے۔ سینیٹ سیکرٹریٹ آن جاری بیان نارداٹ داخیال آتا درشانی ءِ او سیکرٹری وزارت ریلوائی سید مظہر علی شاہ تون گپ وتران کرسا کرے ہرا جمعہ نادے آ پارلیمنٹ ہاؤس اٹی اوڑدہی کرے۔ اوڑدہی ٹی مچ آملک خاص کربلوچستان نابابت ریلوائی نا ڈٹ آتیا گپ وتران کننگا۔ سیکرٹری وزارت ریلوائی ڈپٹی چیئرمین سینیٹ ءِ سرجمی اٹ حوال تس۔ اوڑدہی ٹی بلوچستان نا پوسکن آ ڈٹ و متکن آ روٹ آتے پین گچین کننگ آ زور شاغنگا۔ ڈپٹی چیئرمین سینیٹ پارت کرے زوت آن زوت ڈٹ آتےپورو کننگے۔ اوپارے کہ بلوچستان ءِ اللہ تعالیٰ قدرتی وسیلہ غاتیان شپ کرینے۔ داوسیلہ غاتا ٹرانسپورٹیشن اٹ ریلوائی نا اہم ءُ کڑ داسے۔ منرلز زون اٹی ریل انا نیٹ ورک آ خاص چکار کننگے، نیامی ایشیا تون ملفنگ کن ہم ریلوائی نیٹ ورک ءِ سوگو کننگ المی ءِ۔ ڈپٹی چیئرمین سینیٹ تینا پبی کمکاری نا باوری کرفے۔
