خضدار ۔ 30مئی (اے پی پی) خضدار نا علاقہ ٹی نادرست سلہہ بند بندغ آک سم کاری کرسا اِرا بندغ نا خون ئِ کریر۔ دوبہ دارآک نرار۔ پولیس نا رداٹ دوشنبے آخضدار نا علاقہ گرلز ہائی اسکول کٹھان نا خڑک نادرست سلہہ بند بندغ آک سم کاری کرسا فراز و ظفر پنی ئُ بندغ اسینا خونئِ کریر، دوبہ دارآک موقع واردات آن نرنگ اٹی سرسہب مسر۔ پولیس ئِ حوال ملنگ تون ہی جاگہ غا سرمرسا لاش آتے سول ہسپتال خضدار آ گدریفیر وخت اس کہ المی کارروائی آن گڈ لاش تے اوفتا وارث آتا حوالہ کریر ۔ پولیس و سیکورٹی فورسز آک علاقہ ناناکہ بندی ئِ کرسا دوبہ دار آتا پٹنگ نا بنائِ کرینو۔
