جعفر آباد۔ 30مئی (اے پی پی) بلوچستان نا باسن انگا ضلع غاتا تعلیمی ادارہ غاتیٹی چھٹی تا بنائِ یکم جون آن پانزدہ اگست اسکان کننگا۔ سرجم حوال آتا رداٹ جعفرآباد، نصیر آباد، ڈیرہ بگٹی وجھل مگسی تون اوار کیہی ضلع غاتا تعلیمی ادارہ غاتیٹی چھٹی تیان مست امتحان آتا نتیجہ غاتا پڑو ئِ کننگا و گچین پوزیشن ہلوک آ چناتے ٹی انعام بشخ وپانٹ کننگا۔ بلوچستان نا باسن انگا ضلع غاتا تعلیمی ادارہ غاتیٹی اِرا تو 15دے انا چھٹی تا سرکاری وڑاٹ باقاعدہ پڑوئِ کننگانے دا ضلع غاتیٹی جعفر آباد، نصیر آباد، جھل مگسی، ڈیرہ بگٹی و صحبت پور تون اوار ایلو ضلع غاک ہم اوار اریر۔ کیہی سرکاری اسکول آتیٹی چھٹی تیان مست چناتا سالانہ امتحان آتے ہم ہلنگا و اوفتا نتیجہ غاتا پڑو ئِ کرسا گچین پوزیشن ہلوک آ چناتیٹی انعامات کپ، کتاب و پنسل ہم بشخ و پانٹ کننگا۔
