کوئٹہ۔ 30مئی (اے پی پی) کلکٹر کسٹم کوئٹہ ڈاکٹر محمد سعید جدون پارینے کہ پاک اوغان و پاک ایران سیمی علاقہ غاتا تہہ و پیشن نا ہند آتیا پوریاگر، مسافر و زائر آتا آسراتی کن انتظارگاہ و آسراتی تا فراوانی کن دوئی وسیلہ غاتے کاریم اٹ اتسا ڈٹ آتیا کاریم نا بناءکننگانے۔ واپاری گیٹ آ ہڑتوم آکنڈآتا ٹریفک ئِ راہی روان تخنگ و گڈز انا دمدستی کلیئرنس کن جامع و منظم وڑوڈول اس درستی راستی کرفنگ انگ ئِ ہراڑآن پوریاگر زائر و مسافر آتے کم آن کم وخت اٹی جانچ پڑتال نا عمل اٹی فارغ کننگک ۔ داہیت ئِ وزارت واپار پاکستان نا بڑزکو کمامدار آتے تروک آ بریفنگ اٹی پارے۔ کلکٹر کسٹم کوئٹہ پارے کہ بلوچستان تون منسلک بین الاقوامی واپاری بارڈرز آ اسمگلنگ ئِ تورسا واپاری سرجزآتے ریگولیٹ کننگ کن گام گیج آک جاری ئُ ، اوپارے کہ وزارت واپار نا کنڈآن کسٹم، ایف آئی اے و کانود نافذ کروک آ ادارہ غاتا اسیجائی ڈیٹا شیئرنگ نا صلاح عمل نا قابل ئِ ہرا غیر کانودی معاملہ غاتا توننگ اٹی گچین ثابت مننگ کیک دارداٹ کسٹم ہروڑنا کمک کننگ کن تیار ئِ، ڈاکٹر سعید جدون پارے کہ بنجائی وزیر واپار انجینئر خرم دستگیر بین الاقوامی واپاری بارڈرزآ آسراتی تا فراوانی کن اڈتروک آ ڈٹ آتیا عملدرآمد کن پبی کمکاری نا یخین دہانی کرفینے و مشترکہ گام گیج آتا نتیجہ ٹی پاک اوغان و پاک ایران واپار سرجزآتے مون آ دننگ دوئی مریک و ملکی محصولات آتیٹی ودکی نا سوب سالانہ واپاری کچ اٹی ہم ودیکی مریک۔
