مسکوہی سیکرٹری داخلہ تسنیم نورانی نا نجی ٹی وی چینل اسیتون ہیت وگپ
اسلام آباد۔ 30مئی (اے پی پی) مسکوہی سیکرٹری داخلہ تسنیم نورانی پارینے کہ جعلی شناختی کارڈ ز آتا توننگ کن قومی شناختی کارڈز آتا تصدیق المی ئِ۔ نجی ٹیلی ویژن اسے تون ہیت وگپ کرسا اوپارے کہ جعلی شناختی کارڈ آتا اجراءنا توننگ کن جامع حکمت عملی اسینا گرج ئِ تانکہ سسٹم ئِ گچین جوڑ کننگ مرے۔ مسکوہی سیکرٹری داخلہ پارے کہ قومی شناختی کارڈ زآتا تصدیق ئِ 6تو انا گونڈ ئُ وخت اسیٹی پورو کننگ آسان ئُ کاریم اس اف اتنئے کہ نادرا تون شناختی کارڈز آتا بنجاءتا کچ بھاز کم ئِ و دا کاریم نا پوروی کن پین بنجاتا گرج ئِ۔ داکان مست وزیر داخلہ چوہدری نثار پڑو کریسس کہ غٹ قومی شناختی کارڈز آتا تصدیق ئِ کننگک۔ اوپارے کہ نادرا مسکوہی پنچ سال انا وخت شکبر شناختی کارڈزآتے بلاک کرینے ہرافتے ٹی زیات کچ اوغان شاری تے جاری کروک آ شناختی کارڈز آتا ئسک۔
