اسلا م آباد۔ 30مئی (اے پی پی) صدر مملکت ممنون حسین پگہ (چارشنبے) آ پارلیمنٹ نا ہڑتوم آ ایوان تا اسیجائی دیوان آن تران کیک۔ دیوان نا کماشی ئِ اسپیکر قومی اسمبلی سردارایاز صادق کیک۔ دیوان چارشنبے نا سہب 11بجہ غا پارلیمنٹ ہاﺅس اٹی مریک۔ قومی اسمبلی سیکرٹریٹ پارلیمنٹ نا اسیجائی دیوان اکن غٹ بست و بند آتے گڈیکو دروشم تسنے، داوخت آ آئینی ادارہ غاتا سروک آک، سروسز، چیفس ، سفارتکار آتون اوار اہم شخصیت آتے دعوت نامہ جاری کننگانے۔ اسیجائی دیوان نا وخت آ پارلیمنٹ ہاﺅس اٹی سخت ترین حفاظتی گام گیج کننگانے۔ خصوصی دعوت نامہ غاتیان بیدس ہچ گہس ئِ پارلیمنٹ ہاﺅس اٹی پترینگ انگ نا موکل مفک۔ یات سلے کہ صدر مملکت نا تران اکن مہالو 2جون آ پارلیمنٹ نا اسیجائی دیوان ئِ بٹنگ انگا واہم گڑاس سوب آتا بناءآ صدر مملکت آئین نا آرٹیکل (1)54 و (3)56 نا رداٹ دوئی واک آتے کاریم اٹ اتسا 2جون آ دیوان ئِ بٹنگ انگ نا فیصلہ ئِ پدی ہلک اوکان گڈ صدرمملکت ہڑتوم آ ایوان تا اسیجائی دیوان ئِ یکم جون (چارشنبے) آ بٹنگانے۔
