اسلام آباد۔ 30مئی ( اے پی پی ) صدر ممنون حسین 1جون چار شمبے ئِ روچئَ مزن گسئِ دوھیں ایوان آنی یک جائی اجلاس ئَ گوں تران کنت۔ اجلاس ئِ سروکی ئَ راجی اسمبلی ئِ دارچین سردار ایاز صادق کنت۔ اجلاس چار ئِ شمبےئِ سُھب ئِ 11بج ئَ مزن گسئَ بیت۔ راجی اسمبلی سیکرٹریٹ ئَ مزن گسئِ یک جائی اجلاس ئِ ھاترئَ دراھیں بندوبستاں گڈی دروشم داتگ، اے موھئِ سرئَ آئینی ادارگ آنی سروک ، سروسز چیفس، سفارت کار آں ھوار ھاسیں مردماں دعوت نامہ دیم دیئگ بوتگ۔ یک جائی اجلاس ئِ موھئَ مزن گس ئَ ترندیں حفاظتی گامگیج کنگ بوتگ اَنت ۔ ھاسیں دعوت نامہ ئَ ابید کسئَ را ھم مزن گس ئِ تہا رﺅگئِ موکل نہ بیت، زانگ بہ بیت کہ صدر ئِ ترانئِ ھاترئَ پیسرئَ 2جون ءمزن گس ئِ یک جائی اجلاس لوٹگ بوگ بلے باز جاورانی سببئَ صدر ئَ آئین ئِ آرٹیکل 54(1) ءُ 56(3) ئِ تہا ھاصل وت وجہی کارمرز کتگ ءُ 2جونئَ اجلاس لوٹگ ئِ پیسلہ واتر زُرتگ کہ ایشی ئَ چہ پد صدر ئَ دوھیں ایوان آنی یک جائی اجلاس یکم جون چار شمبےئِ روچئَ لوٹ اِتگ۔
