اقوام متحدہ۔ 03 مئی (اے پی پی) اقوام متحدہ نا جنرل اسمبلی 24 مئی آ پاکستان نا قومی ساہدار مارخور نا جہانی دے ءِ اڈتننگ نا بابت قرارداد نا منظوری ءِ تس، دا قرارداد ءِ پاکستان و 8 ایلوملک آک پیش کریسر۔ قرارداد اٹی جہانی کہول آ دادے ءِ اڈتننگ نا سلہ خلنگانے و غٹ تعلقدار فریق آتے سلہ خلنگانے کہ او مارخور نا رکھ انا کوشست آتا مخ تفی ٹی اونا جم چاگڑدی نظام اٹ اونا کڑد انا رداٹ جہانی و علاقائی کمکاری ءِ ودفنگ آ سفجر۔ مارخور پاکستان نا قومی ساہدار ءِ۔ قرارداد اٹی اقوام متحدہ نا چاگڑدنا پروگرام (یواین ای پی) ءِ مارخور نا جہانی دے ءِ اڈتننگ اٹ آسراتی فراوان کننگ آ زور شاغنگا۔
