ریاض۔ 02 مئی (اے پی پی) سعودی عرب نا وزیرخارجہ شہزادہ فیصل بن فرحان سوڈان نا وتواجہی کونسل نا سروک و سلہہ بند فوج انا کمانڈر انچیف جنرل عبدالفتاح البرھان و ریپڈ سپورٹ فورس انا فرسٹ کمانڈر محمد حمدان دقلوتون ٹیل فون آ رابطہ کرینے۔ ایس پی اے نا رداٹ رابطہ غاتیٹی سوڈان نا ساڑی  آ حالیت آتیٹی تازہ پیش رفت و سوڈانی الس آ اونا اثرآتا بابت گپ وتران کننگا۔ سعودی وزیرخارجہ سوڈان و اونا الس ءِ پین بھسکاری آن بچفنگ و ہموجاگہ نا انسانی حالیت آتے بگڑینگ انگ آن توننگ کن کاریم کننگ نا اہمیت آ زور شاغا۔ اونا پاننگ ئس  سوڈانی الس نا فائدہ غاتے اولیت تننگ، ریاستی ادارہ و سوڈان نا رکھ اکن جنگ ءِ توننگ المی ءِ۔

متعلقہ مضامینمصنف کی طرف سے مزید