اقوام متحدہ۔ 02 مئی (اے پی پی) اقوام متحدہ افریقہ ٹی نوکاپ آن مروک آ مرک آتیا ڈکھیائی نا درشانی ءِ کرینے۔ شنہوا نا رداٹ اقوام متحدہ نا سروک انتونیوگوتریش ناترجمان اسٹیفن دوجارک پارے کہ اقوام متحدہ نا سروک برونڈی، کینیا، صومالیہ و تنزانیہ و دے ٹکی افریقہ نا ایلو بشخ آتیٹی ترند انگا نوکاپ آن مروک آ مرک آتا بارواٹی بھاز افسردہ ءِ۔ اوپارے کہ سروک زہمی ملک آتیٹی زوال کروک آ بندغ آتا خاہوت تون ہڑزخواہی نا درشانی ءِ کرینے۔ اومستی پارے کہ اقوام متحدہ و اونا شریدار انسانی گرج آتے پورو کننگ کن قومی کمامدارآتون اواری اٹ کاریم کننگ ءِ۔ بیان اٹی پاننگانے کہ سیکرٹری جنرل زور شاغا کہ اقوام متحدہ دامشکل وخت اٹی ودکی امداد نا پیش کش کن تیار ءِ
