اسلا م آباد۔30مئی( ا ے پی پی ) پیسرگیں تہی کارانی سیکریٹری تسنیم نورانی ئَ گشتگ کہ دروگیں پجّار کاٹ ئِ گِرءُ دار ئِ ھاترئَ راجی پّجار کاٹ ئِ تصدیق ضلوری اِنت۔ نجی ٹیلی ویژن ئَ چہ گپ ءُ تران کنانئَ آئیئَ دروگیں پجار کاٹ ئِ گِرءُ دار ئِ ھاترئَ جامع حکمت عملی کنگ ئِ ضلورت اِنت تنکہ سسٹمئَ را گہتر کنگ بہ بیت۔ پیسرگیں تہی کارانی سیکریٹری ئَ گشتگ کہ راجی پجّار کاٹ ئِ تصدیق ئَ را 6ماھئِ کسانیں مدتے ئَ سرجم کنگ ارزان نہ اِنت چیاکہ نادراھ ئِ گور ئَ پجّار کاٹئِ بنجاھ باز کم اَنت ءُ اے کارئِ ھاترئَ گیش بُنجاھئِ پکار بیت۔ ایشی ءَ چہ پیسر تہی کارانی وزیر چوہدری نثار ئَ جار جتگ بوتگ کہ دراھیں راجی پجار کاٹ ئِ تصدیق کنگ بیت۔ آئی ئَ گشتگ کہ نادرائَ گوستگیں 5سالانی تہا شکیگیں پجّار کاٹ بلاک کتگ اَنت کہ ایشانی تہا گیشیں کساس اوگان شہرآناں داتگیں پجّار کاٹ بوتگ اَنت۔
