اقوام متحدہ۔09اپریل (اے پی پی) اقوام متحدہ نا جنرل اسمبلی نا صدر ڈینس فرانسس غٹ اثرورسوخ والا ملک آتیان غزہ ٹی 6 تُو آن زیات وخت آن برجاجنگ ءِ چٹفنگ کن تینا طاقت ءِ کاریم اٹ اتنگ نا خواست کرینے۔ اوداخواست ءِ سلامتی کونسل نا کنڈآن تدوک آ تُو امریکہ نا کنڈآن پیش کروک قرارداد آتے منظور کننگ اٹ بے سہبی آن پد تدوک آ دے شرہ کن اڈہلوک 193 باسکی جنرل اسمبلی نا دیوان اٹی کرے۔ داشرہ 2022 نا جنرل اسمبلی نا قراردادآن بناکرے ہراٹی پاننگاکہ ہراتم سلامتی کونسل اٹی ویٹو ءِ کاریم اٹ اتنگے تو 10 ورکنگ دے تا تہہ ٹی دیوان اس اڈتننگے۔ جنرل اسمبلی نا صدر پارے کہ نن اسہ وار ولدا دا گام انا رداٹ دیوان اس اڈتننگ اُن انتئے کہ غزہ ٹی اسرائیلی جنگ ءِ 6 تُو پورو مسنے ہراٹی مرک و بھسکاری تیٹی پدریسہ ودکی مننگ ءِ و غزہ ٹی جنگ بندی آ باسک ملک آتا نیام اٹ خاص وڑاٹ سلامتی کونسل اٹی تقسیم برقرار ءِ۔
