ریاض۔ 09 اپریل (اے پی پی) فلسطینی وزیراعظم ڈاکٹر محمد مصطفیٰ سعودی عرب نا وزیرخارجہ شہزادہ فیصل بن فرحان تون مککہ معظمہ ٹی اوڑدہی کرے۔ العربیہ نا رداٹ اوڑدہی ٹی او فلسطینی حکومت نا کاریم نا ایجنڈا و اولیت آتا جاچ ءِ پیش کرے۔ داکان بیدس دیکی کنارہ، غزہ و اونا کیبی نا حالیت آتیٹی پیش رفت و دمدستی و پائیدار جنگ بندی اسکان سرمننگ کن کروک آکوشست و پین ریلیف اتنگ کن کروک آکوشست آتیا گپ وتران کریر۔ داوخت آ سعودی وزیرخارجہ پارے کہ مملکت غزہ نا پٹی ٹی برجاجنگ ءِ دمدستی وڑاٹ توننگ ناخواہندار ءِو دا بابت کروک آ جہانی کوشست آتا مخ تفیءِ کیک۔
