بیجنگ ۔ 27 مارچ (اے پی پی) یورپی فلائنگ کارٹیکنالوجی چین ءِ بہا کننگا۔ بی بی سی نارداٹ یورپ اٹی فلائنگ کار تیار کروک آ کمپنی نا ٹیکنالوجی ءِ ہیبی جیانکسین فلائنگ کار ٹیکنالوجی پنی ءُ چینی کمپنی اس ہلکنے۔ اوپارے کہ بی ایم ڈبلیو انجن و عام ایندھن اٹ چلینگوک آ فلائنگ کار 2021 اٹی سلوواکیہ نا اِرا بالی پٹ آتا نیام اٹ 35 منٹ اسکان پرواز کریسس ٹیک آف و لینڈنگ کن رن وے ءِ کاریم اٹ اِیس۔ فلائنگ کار جوڑ کروک آ کمپنی کلین ویژن نا کوفاؤنڈر اینٹون زجاک پارے کہ چین داسہ فلائنگ ٹرانسپورٹ سلوشنز ءِ فعال وڑاٹ تیار کننگ ءِ ولے اوداپاننگ آن نمن مس کہ اودا ٹیکنالوجی ءِ اخس نہاد آ بہاکرینے۔
