ریاض۔29مئی (اے پی پی) سعودی عرب ئَ قرآن کریم ئِ چاپ ئُُ شنگ ئِ سرکاری ادارگ ”شاہ فہد انسٹیٹیوٹ برائے طباعت قرآن“ ئِ نیمگ ئَ ماہ ئِ رجب ئَ قرآن ئِ پاک ئِ یک ئُُ نیم ملین ئَ چہ گیش سیاھگ بھر ئُُ بانگ کنگ بوتگ۔ سعودی ھال رسانکی در ئِ رد ئَ شاہ فہد انسٹیٹیوٹ ئِ نیمگ ئَ جاڑی کتگیں بیان آنی تہ ئَ گوشگ بوتگ کہ ماہ ئِ رجب سنہ 1437ھجری ئَ ادارگ ئِ چیر دستی ئَ چاپ کتگیں قرآن پاک ئِ بازیں سائز، دومی زبان آنی تہ ئَ رجانک ئَ ھوار، رجانک نہ کتگیں سی ڈیز ، قرآن پاک ئِ کساس 15لکھ 98ھزار 198سیاھگی ادارگ، دومی ملک آنی سفارت خانہ، ھندی این جی اوز، سعودی عرب ئِ در ملک ئَ سفارت خانہ آں، قونصل خانہ ئُُ سرکاری ادارگ آنی تہ ئَ بھر ئُُ بانگ کنگ بنت۔
