ریاض۔ 26 مارچ (اے پی پی) سعودی عرب نا کنڈآن غزہ نا زہمی تیکن بناکروک آ السی عطیہ مہم اٹی داتم اسکان کل عطیہ 676 ملین ریال آن گدرینگار۔ اردونیوز نا رداٹ شاہ سلمان بن عبدالعزیز و ولی عہد شہزادہ محمد بن سلمان نا پارت آ غزہ کن السی عطیہ مہم برجاءِ۔ مہم نا بناکننگ آن داتم اسکان 17 لکھ 88 ہزار بندغ غزہ ٹی تینا فلسطینی  ایلم تیکن عطیہ جمع کرفینو۔ مہم نا بناءِ کننگ نا پڑو شاہ سلمان مرکز انسانی امداد نا نگران اعلیٰ و شاہی سلاہکار ڈاکٹر عبداللہ بن عبدالعزیز العربییہ کریسس۔ غزہ نا زہمی تیکن بناکروک آ عطیہ مہم اٹی غٹ آن مست شاہ سلمان بن عبدالعزیز نا کنڈآن 30 ملین ریال عطیہ کننگا۔ اوکان پد ولی عہد شہزادہ محمد بن سلمان نا کنڈآن 20 ملین ریال نا عطیہ مرکز نا ساہم پورٹل اٹ جمع کننگا۔

متعلقہ مضامینمصنف کی طرف سے مزید