بیجنگ۔ 22 مارچ (اے پی پی) چین نا شار گوانگژو ٹی پاکستان نا قائم مقام قونصل جنرل سردار محمد پارینے کہ فلیگ شپ ڈٹ چین پاکستان اقتصادی راہداری (سی پی ای سی) ، بیلٹ اینڈ روڈ انیشی ایٹیو(بی آرآئی) نا اسہ اہم ءُ ڈٹ، کمکاری آ تالان شونداری و اسیجائی سرسہبی نا بنداو ءِ ، ہرا چین وپاکستان ہڑتوم و بھلو کچ اسے آ ڈیہہ انا روشنا آخبت نا قول …
سی پیک، کمکاری آ تالان شونداری و اسیجائی سرسہبی نا بنداو ءِ، قائم مقام قونصل جنرل سردار محمد نا یوم پاکستان نا وخت آ افطار ڈنر آن تران
گیشتریں ھال
بیجنگ۔ 22 مارچ (اے پی پی) چین نا شار گوانگژو ٹی پاکستان نا قائم مقام قونصل جنرل سردار محمد پارینے کہ فلیگ شپ ڈٹ چین پاکستان اقتصادی راہداری (سی پی ای سی) ، بیلٹ اینڈ روڈ انیشی ایٹیو(بی آرآئی) نا اسہ اہم ءُ ڈٹ، کمکاری آ تالان شونداری و اسیجائی سرسہبی نا بنداو ءِ ، ہرا چین وپاکستان ہڑتوم و بھلو کچ اسے آ ڈیہہ انا روشنا آخبت نا قول کیک۔ داہیت ءِ او چین نا شار گوانگژو ٹی قونصلیٹ جنرل نا کنڈآن یوم پاکستان نا وخت آ افطار ڈنر آن تران کرسا پارے۔ دود اٹی بھلو کچ اسے ٹی اہم شخصیت ، پوریاگر، تعلیم نا چاہندار، پولکار و طالب علم آک بشخ ہلکر، ہرافک چین اٹی پاکستانی کمیونٹی نا پبی تنوع و تین پہ تینی کمکاری نا جوزہ ءِ تالان کریر۔ قائم مقام پاکستانی قونصل جنرل یوم پاکستان نا اہمیت ءِ مون آتخا و پاکستان وچین نا نیام اٹ سوگو ہڑتوم آ کنڈآتا تعلقداری نا ستاءِ کرسا پارے کہ دادے نئے بیرہ آجوئی نا کنڈآ ننا تاریخی سفر نا یات دہانی کرفک بلکن دا قدر و است خواہی نا درشانی ہم ارے ہرا ننے اسہ قوم اسے نا وڑاٹ بیان کیک ۔ دادود پاکستان و چین نا نیام اٹ پائیدار سنگتی نا جشن ءِ کننگ کن اسہ پلیٹ فارم اسے نا وڑاٹ کاریم کرے ہراٹی تین پہ تینی فائدہ و اسیجائی ہدف آتیا زور شاغنگا ہرانا سوب آن ہڑتوم آ ملک آک تدوک آ کیہی سال آن اسہ ایلو تون گنڈوک ءُ۔
