ڈیرہ مراد جمالی ۔ 28مئی ( اے پی پی) بلوچستانءِ سروزیر ئِ صلہ کار معدنیات ءُ قدرتی وسائل حاجی محمد خان لہڑی ئَ گشتگ کہ تکبیر ئِ روچ پاکستان ئِ دیمپانی سلامتی ءُ وت وجہی ئِ ھاترئَ یک ھاسیں ءُ راج دپتری روچ اِت، مزن وزیر محمد نواز شریف ئِ ایٹمی تراک کنگ ئِ مزن دلی پیسلہ ئَ پاکستان ئَ را میاں اوستمانی تکئَ ھپتمی زوراکے جوڑ کتگ۔ اے ھیالانی درشانی آئی ئَ صحافی آنی گوما گپ ءُ تران کنان ئَ کتگ۔ حاجی محمد خان لہڑی ئَ گشتگ کہ 28مئی 1998ئَ آ وھدئِ مزن وزیر محمد نواز شریف ئَ پاکستان ئِ راجئِ ھاترئَ یک مزنیں ءُ دلیری ئِ پیسلہ کتگ ءُ ایٹمی تراک کتگ ءُ پاکستانی آنی سرئَ سر پھرئَ چہ بُرز کتگ ءُ پاکستان ئَ را یک ایٹمی ملکے جوڑ کتگ۔ آئیئَ گشتگ کہ ملک ئِ تہا امن ءُ ایمنی جوڑ بوتگ کہ ایشی ئِ سببئَ ملک ئِ تہا یک رندے پدا زرکارانی دلگوشی گیش بوتگ ءُ آئی ئَ یک رندے پدا زرکاری بندات کتگ کہ ایشی ئِ سببئَ ملکئِ معیشت گیش گہتر بوتگ۔ حاجی محمد خان لہڑی ئَ گشتگ کہ مزن وزیر محمد نواز شریف ءُ آئیءِ ٹیمب ملکی دیم روئی ئِ ھاترئَ شپءُ روچ کار کنگ ئَ اِنت مسلم لیگ(ن) ئِ حکومتئِ سنھبالگ ئِ وھدئَ ملک بازیں پدمنتگیانی آماچ بوتگ ءُ ملک ئِ معیشت باز گہتر ءُ مھکم بوتگ توانائی پدمنتگی ئِ ھلاسیئِ ھاترئَ کار بوھگئَ اِنت ءُ ملک ئِ تہا لوڈشیڈنگ سک باز گِرءُدار کنگ بوتگ۔ بلوچستان ئِ پدمنتگی ئَ را ھلاس کنگئِ ھاترئَ مزنیں کساسے ئَ بنجاھ ئَ دیم روئی ئِ منصوبہ بندات کتگ اَنت کہ ایشانی سرجمی ئَ چہ صوبہ ئِ پدمنتگی ھلاس بیت ءُ صوبہ ئِ اُلس وشھال بنت ءُآھاں روزگارئِ موھ رس اَنت۔
