اسلام آباد۔ 28مئی (اے پی پی) مزن وزیر محمد نوز شریف اَستیں وھد ئَ برطانیہ ئِ دارلحکومت لندن ئَ دل ئِ آپریشن ئِ واستہ ساڑی اِنت، حکومتی کار آنی نگرانی انگت کنگ ئَ اِنت۔ مزن وزیر ئِ پرنسپل سیکرٹری، ملٹری سیکرٹری ئُُ ایندگہ ٹولیگ ئِ باسک ملکی کار آنی سرجمی ئَ آئی ئِ کمک ئَ کنگ ئَ اَنت۔ مزن وزیر ئِ کارگس ئِ میڈیا ونگ ئِ نیمگ ئَ چہ جاڑی بوتگیں یک شمبے ئِ ھال آنی رد ئَ گوشگ بوتگ کہ لندن ئَ مزن وزیر وتی ھمروچگیں جیڈھ ئُُ کار آنی بابت ئَ سرپد اِنت ئُُ آ چیر دستیں کارگس آنی کمک ئَ کنگ ئَ اِنت۔ بیان ئِ تہ ئَ گوشگ بوت کہ مزن وزیر بُنجاھی وزیر ، کابینہ ئِ باسک ئُُ ایندگہ مردماں گوں کمنیو کیشن ئِ تہ ئَ اِنتئُُ گوشگ بوت کہ ریاست ئِ اِچ کار مھتلی ئِ آماچ نہ اِنت۔ مزن وزیر ئَ را ڈاکٹر آں شور ئُُ سلاھ داتگ کہ لندن ئَ آئی ئِ دل ئِ سرجری کنگ بہ بیت۔ سرجری ئَ چہ پد ڈاکٹر آنی شور ئُُ سلاھ ئِ پد ئَ آواتربیت ئُُ ملک ئَ کئیت۔ آیوکیں لھتیں روچ آں وتی آپریشن ئَ چہ پد مزن وزیر ملک ئِ چیف ایگزیکٹو ئِ بستار ئَ کموکیں ساھتُکے ئِ وواستہ وتی ذمہ واری آں چہ گستا بوھگی کپیت۔ بیان ئِ تہ ئَ گوشگ بوت کہ اے پکوئیں گپ ئِ نہ اِت، ایش ابرمی گپ اِت۔ ڈاکٹر وھدئِ آئی ئِ آپریشن ئَ کنگ ئَ بنت مزن وزیر توامیں نمونگ ئِ کار آں چہ گستا بیت۔ انشاءاللہ سرجری ئَ چہ پد مزن وزیر پد گوں ھُب ئُُ باھند ئِ گوما ریاستی کار آنی نگرانی کنت۔ مزن وزیر ئِ کارگس ئَ چہ جاڑی بوتگیں ھال آنی رد ئَ مزن وزیر ئِ جاڑیگ ایں ئُُ پیسریگیں جان سلامتی ئِ پٹ ئُُ پول ئُُ دوا ئُُ دارو ئُُ سفری ھرچ ئُُ درچ ئِ ڈُبہ آئی ئِ وتی جندے سر ئَ کنگ ئَ اِنت۔ اے رد ئَ راجی ھزانگ ئَ چہ اِچ وڑیں ھر چئُُ درچ کلیم کنگ نہ بوتگ۔
