بیجنگ۔9جنوری (اے پی پی):چینی وزیر ءِ دری کار وانگ یی ءَ گوشتگ کہ چینی صدر شی جن پنگ ءُ روسی صدر ولاد یمیر پیوٹن ءِ نیام ءَ بوھوکیں جوانیں گند ءُ نند ءُ گپ ءُ تران چین ءِ 2023 ءِ درئی پالیشی آنی بے مٹیں بستار ءِ کرز ائیت۔ روسی ھال رسانکی ادارگ تاس ءِ رد ءَ آئی ءَ بریفنگ ءِ ساھت ءَ ھاسیں رنگ ءَ گوستگیں سال مارچ ءَ چینی صدر ءِ تر ءُ تاب روس ءُ روسی صدر ءِ گوما گپ ءُتران آنی نیمگ ءَ اشارہ کنان ءَ گوشت۔ آئی ءَ گوشت کہ صدر شی جن پنگ ءَ گوستگیں سال ءَ وتی اولی در ملکی تر ءُ تاب ءِ واستہ روس ءِ گچین کتگ۔ ءُ صدر پیوٹن ءِ گوما یک سالے ءِ ساھت ءَ 2 گند ءُ نند کت۔ آئی ءَ مزن تکی وت مہ وتی ءُ چینی ءُ روسی مملکت آنی سروک سٹریٹیجک سروک آنی بدولت ءَ گواچنی سہرائیں درشان کت۔ جتا جتائیں شوبگ آنی تہ ءَ پکوئیں کمک آناں ودینگ ءُمیاں اوستمانی سٹریٹجک برجائی ءَ را برجا داشتگ۔
