ریاض، برسلز۔ 04 جنوری (اے پی پی) سعودی عرب و یورپی یونین ایران اٹی دھماکہ غاتا مذمت ءِ کرسا زموار آتے سزاتننگ نا خواست و زہمی تتون ہمدردی نا درشانی ءِ کرینو۔ العربیہ اردو نا رداٹ سعودی عرب نا وزارت خارجہ سوشل میڈیاپلیٹ فارم ‘‘ایکس ’’ آ پارے کہ نن ایران اٹی پرامن شاری تیا دہشت گرد جلہو آتا مذمت ءِ کینہ۔ ایلو کنڈآ یورپی یونین نا خارجہ امور نا ترجمان ایران نا شار کرمان اٹی مروک آ بمب دھماکہ غاتیان پد ایران تون یکجہتی نا درشانی ءِ کرسا خواست کرینے کہ دھماکہ غاتیٹی اوار بندغ آتے اوفتے اوفتا کروک نا سزا تننگے۔ یات سلے کہ چارشنبے آ ایران نا شار کرمان اٹی پاسداران انقلاب نا جنرل قاسم سلیمانی نا چارمیکو کزیہ دے انا وخت آ اونا قبرانا خڑک 2 دھماکہ مس ہراٹی 103 بندغ زوال و بھلو کچ اسے ٹی مخلوق ٹھپی مس۔
