پیانگ یانگ۔ 28 دسمبر (اے پی پی) قطبی کوریا نا راہشون کم جونگ ان فوج، جنگی سازوسامان تا صنعت و جوہری سلہہ غاتا بشخ ءِ پرمان کرینے کہ او امریکہ نا کنڈآن جنگ و جھیڑہ نا بھلا گام گیج آتا مقابلہ ءِ کننگ کن جنگی تیاری تیٹی ترندی اتے۔ برطانوی خبررساں ادارہ رائٹرز نا رداٹ اوتدوک آ دے ملک انا حکمران جماعت نا اسہ اہم ءُ دیوان اسے ٹی پوسکن آ سال اکن پالیسی نا ترتیب آ ہیت کرساپارے کہ قطبی کوریا سامراج مخالف آزاد ملک آتون سٹریٹجک کمکاری ءِ ودفک۔ اوفوج و جنگی سازوسامان نا صنعت، جوہری سلہہ و سول ڈیفنس نا بشخ آتے جنگی تیاری تے پین ترند کننگ نا پرمان کرے۔ دیوان اٹی او پوسکن آ سال اکن اقتصادی ہدف آتے ہم طے کرے و اودے ملک انا پنچ سال انا شونداری ڈٹ آتے پورو کننگ کن ’’فیصلہ کن سال ‘‘ اس گوندا۔ اواہم صنعتی بشخ آتیٹی متحرک وڑاٹ مون آ ہِننگ کن اہم ٹاسک آتے پیدوار کرے و بڑزکوکہول آ کشاری پیدوار ءِ سوگو کننگ نا گرج آ زور شاغا۔
