ریاض۔ 15 دسمبر(اے پی پی) سعودی وزیرخارجہ شہزادہ فیصل بن فرحان لندن اٹی برطانوی وزیرخارجہ ڈیوڈ کیمرون تون اوڑدہی کرے و غزہ نا پٹی نا تازہ حالیت آتون اوار ہموڑے جنگ بندی نا اہمیت آ گپ وتران کرے۔ سعودی خبررساں ادارہ ایس پی اے نا رداٹ اوڑدہی ٹی ہڑتوم آملک آتا نیام اٹ ہڑتوم آ کنڈآتا تعلقداری نا جاچ ءِ ہم ہلکر و اوفتے چندی بشخ آتیٹی پین شونداری تننگ نا بابت جاچ ہلکر۔ ہڑتوم آ راہشونک غزہ نا پٹی و کیبی ٹی مروک آ پیش رفت و ہموڑے دمدستی جنگ بندی کن غٹ المی گام گیج کننگ و شاری تے پورو رکھ فراوان کننگ نا اہمیت آ زور شاغنگا۔
