حب۔ 05 دسمبر (اے پی پی) ایس ایس پی لسبیلہ کیپٹن ( ر) نوید عالم پارینے کہ لسبیلہ پولیس اٹی کانسٹیبل نا غٹ بھرتی تے میرٹ آ کننگک، پولیس نا بھرتی ٹی کس اسے تون ناانصافی مفک۔ داخیال آتا درشانی ءِ او پولیس لائن اوتھل اٹی لسبیلہ پولیس اٹی بطور کانسٹیبل بھرتی نا اولیکو ریسہ قدناپ نا وخت آ اومیتدار و پولیس آفیسر و اے پی پی نیوز اتون گپ وتران کرسا کرے۔ اوغٹ پولیس آفیسر آتے سختی اٹ پارت کرے کہ اسہ اومیتدار اسے تون ہم ناجائز کننگپ و میرٹ ءِ ملحوض خاطر اتسا بھرتی نا عمل ءِ پورو کننگے۔ اوپارے کہ اگہ کارندہ اس میرٹ آ گڑبڑاس کرے تو او پولیس کارندہ ءِ نوکری آن فارغ کننگک۔ اوپارے کہ میرٹ نا خیال ءِ تخنگے و میرٹ نا پامالی نا کس اسے موکل تفننگک۔ اوپارے کہ اگہ اومیتدار اس غلط بیانی کرے یا پولیس کارندہ غاتون بے سوب کوشست کرے تو او اومیتدار نا برخلاف کانودی کارروائی کننگک ۔ اوپارے کہ ضلع لسبیلہ ٹی 2167 اومیتدار درخواست جمع کرفینو و ضلع لسبیلہ و ضلع حب انا ٹوٹل 33 آسامی ءُاومیتدار آتے نوشتہی ٹیسٹ و فزیکل فٹنس ٹیسٹ اکن ریسہ وار بٹنگ انگانے۔
