واشنگٹن۔ 04 دسمبر (اے پی پی) امریکہ پارینے کہ او اسرائیل و حماس ءِ اسہ وار ولدا جنگ بندی کن مذاکرات آآمادہ کننگ نا کوشست کننگ ءِ تانکہ یرغمالی و بندی تے اسہ ایلو ءِ تننگ مرے۔ وائٹ ہاؤس نا ترجمان تدوک آ دے جاری بیان اٹی پارے کہ یرغمالی و بندی تا رہائی کن امریکہ اسرائیل و حماس ءِ جنگ بندی کن اسہ وار ولدا جنگ بندی آآمادہ کننگ نا کوشست کننگ ءِ ولے مبصرآتا پاننگ ءِ کہ تل ابیب آ واشنگٹن نا ہچ ءُ زور اس خننگ پننگ ءِ ہنداسوب آن دا غزہ غا دُوارہ بمباری نا بناءِ کرینے۔ وائٹ ہاؤس نا نیشنل سیکورٹی کونسل نا سٹریٹجک کمیونیکیشن کوآرڈینیٹر جان کربی امریکی ٹی وی این بی سی نا پروگرام اٹی پارے کہ نن داسہ ہم جنگ انا فریق آتے مذاکرات نا میز آ اتنگ نا کوشست کننگ اُن۔ اوناپاننگ ئس کہ غزہ غا اسرائیلی بمباری ٹی 15,000آن زیات فلسطینی (ہرافتے ٹی زیات تر زالبول و چنااوار ءُ) خلنگانو وخت اس کہ 10 لکھ آن زیات مخلوق خور و دیر آن محروم ءُ۔ اوپارے کہ اسرائی تینا جلہو آتیٹی شاری تے خلنگ آن پاناد کے۔ اودعویٰ کرے کہ اسرائیل اسہ نقشہ اس شینک کرینے ہراٹی شاری تیکن رکھ علاقہ غاتا پیدواری ءِ کننگانے۔
