نیویارک۔ 29 نومبر(اے پی پی) چین نا وزیرخارجہ وانگ یی نیویارک اٹی اقوام متحدہ نا سیکرٹری  جنرل انتونیوگوتریس تون اوڑدہی کرے و اسرائیل۔ فلسطین جھیڑہ نا اِراریاستی ایسری کن چینی عزم انا درشانی ءِ کرے۔ چینی خبررساں ادارہ نا رداٹ اوپارے کہ انسانی بھسکاری آن بچنگ کن پورو جنگ بندی و بندی تے یلہ کننگے۔ وزیرخارجہ پارے کہ غزہ ٹی انسانی امداد نا بے اڑاند رسینگ ءِ پک کننگ نا گرج ءِ۔ اوزوت جہانی امن کانفرنس اس بٹنگ نا خواست کرے تانکہ اِراریاستی ایسری نا بابت دُوارہ گپ وتران کن اسہ ٹائم ٹیبل و روڈ میپ اس تیار کننگ مرے۔ اوپارے کہ چین دا چرجوئی ٹی قائدانہ کڑد ادا کننگ اٹ اقوام متحدہ نا مخ تفی ءِ کیک۔

متعلقہ مضامینمصنف کی طرف سے مزید