بیرسٹر محسن شاہ نواز رانجھا نا یوم تکبیرنا وخت آ کلہو

اسلام آباد۔ 27مئی (اے پی پی) بنجائی پارلیمانی سیکرٹری اطلاعات و نشریات بیرسٹر محسن شاہ نواز رانجھا پارینے کہ قوم انا اومیت آک وزیراعظم محمد نواز شریف تون وابستہ ئُ ، الس دھرنہ غاتا سیاستئِ مسترد کرینے، 2018ءاسکان ملک آن لوڈشیڈنگ نا خاتمہ ئِ کرسا تولک۔ یوم تکبیر نا وخت آ تینا کلہو اٹی بنجائی پارلیمانی سیکرٹری پارے کہ دھرنہ غاتا سیاست کروک آتے الس مسترد کرینے اونہ تو داوخت اسکان تینا ہار ئِ امنا کرینو و نہ ہی الس کن گڑاس کننگ کریر۔ وزیراعظم ملک ئِ دفاعی لائخی ٹی وت واجہ جوڑ کننگ آن گڈ نیزگار یئِ چٹفنگ و معیشت ئِ گچین جوڑ کننگ کن سخت کوشست کننگ ئِ۔ دا چرجوئی ٹی چین نا کمکاری آن بجلی نا پیداوار تون اوار کیہی ڈٹ آتیا کاریم مننگ ئِ۔ لوڈشیڈنگ نا چٹفنگ کن ہم ہڑ دڑی بنداﺅ تیا کیہی ڈٹ آتیا کاریم جاری ئِ، 2018ءاسکان انشاءاللہ لوڈشیڈنگ نا خاتمہ ئِ کرسا تولینہ، دفاع ٹی خودکفالت آن گڈ اقتصادی وت واجہی وعزیراعظم و مسلم لیگی سروک ناعزم ئِ۔