بیجنگ۔ 23 نومبر (اے پی پی) چین نا صدر شی جن پنگ پارینے کہ ڈیجیٹل ٹریڈ نا جہانی واپار اٹی اہم ءُ ہند اسے و چین دا بشخ اٹی نمان شون ہلکنے۔ چینی نشریاتی ادارہ نا رداٹ ارٹ میکو گلوبل ڈیجیٹل ٹریڈ ایکسپو کن تہنیتی چٹھی ٹی اوپارے کہ ساڑی سال تیٹی چین تینے بڑزکو آب انا جہانی اقتصادی و واپاری اصول آتون فعال وڑاٹ ہم گرنچ ، جوان ڈیجیٹل ٹریڈ گورننس نا نظام اس جوڑ، ڈیجیٹل واپار نا اصلاحات و اختراعی شونداری ءِ مون آ درینے۔ شی جن پنگ پارے کہ چین نا پوسکن آ پیش رفت نا کمک اٹ دنیا ءِ پدریسہ پوسکن ءُ وارخواہی فراوان کرے، اومیت ءِ کہ غٹ فریق کمکاری آ گپ وتران کننگ، اسیجائی وڑاٹ شونداری ءِ مون آ دننگ و نتیجہ غاتا شریداری کن گلوبل ڈیجیٹل ٹریڈ ایکسپو نا پلیٹ فارم ءِ پبی کاریم اٹٹ اتیرہ۔ اونا پاننگ ئس کہ اسیجائی شونداری کن ڈیجیٹل واپار ءِ اسہ پوسکن ءُ انجن اسے نا دروشم تننگ کن اواری اٹ کاریم و جہانی اقتصادی شونداری ٹی پوسکن ءُ ساہ اس شاغک۔
