بیروت۔ 23 نومبر (اے پی پی) ایران خبڑدار کرینے کہ اگہ اسرائیل و حماس نا نیام اٹ آخبتی جنگ بندی متو تو غزہ جنگ انا تالان مننگ نا خطرہ ءِ۔ فرانسیسی خبررساں ادارہ ایرانی وزارت خارجہ نا بابت پارے کہ ایران نا وزیرخارجہ حسین امیر عبدالہیان تدوک آ دے انٹرویو ٹی پارے کہ اگہ آخبتی بنداوتیا جنگ بندی متو تو ڈیہہ انا حالیت جنگ بندی آن مہالوآنبار مفک۔ اوپارے کہ نن خواپنہ کہ جنگ انا دنگ ودے، اگہ جنگ انا شدت اٹی ودکی مریک تو جنگ انا تالان مننگ نا گمان قابل فہم ءِ۔
