واشنگٹن۔ 22 نومبر(اے پی پی) امریکی صدر جوبائیڈن حماس نا بندی ٹی اسرائیلی تا رہائی نا معاہدہ نا ستاءِ کرینے۔ تینا بیان اٹی امریکی صدر اسرائیل و حماس نا نیام اٹ طے مروک دا معاہدہ ٹی ثالثی آ قطر انا شیخ تمیم بن حمد الثانی و مصر انا صدر عبدالفتاح السیسی نا منت واری ءِ ہرفینے۔ امریکی صدر غزہ ٹی عارضی جنگ بندی آ آمادگی آ اسرائیلی وزیراعظم بنجمن نیتن یاہو و اونا حکومت نا ہم منت واری ءِ ہرفے۔ اودااومیت نا درشانی ءِ کرے کہ دامعاہدہ غا پورو وڑاٹ عملدرآمد کننگک۔ اوداعزم انا ہم درشانی ءِ کرے کہ حماس نا بندی آن رہائی آن پد پین امریکی شاری تے وطن آ پدی اتنگک۔ اوپارے کہ او حماس نا بندی آن غٹ امریکی  شاری تا رہائی اسکان تینا کوشست آتے برجاتخک۔

متعلقہ مضامینمصنف کی طرف سے مزید