غزہ۔ 22 نومبر (اے پی پی) اقوام متحدہ نا ادارہ اطفال ’’یونیسیف ‘‘ نا ترجمان ٹوبی فلکر پارینے کہ اسرائیل جنگ اٹی غزہ نا 8 لکھ چنابے اپرا مسنو۔ یونیسیف نا ترجمان ٹوبی فلکر عرب ٹی وی الجزیزہ ءِپارے کہ 800،000 آن زیات چناک تینا اُراتیان بے اُرامسنو، و پناہ گاہ تیٹی مشکل چاگڑدی حالیت آتیٹی زند ءِ تیر کننگ ءُ۔ غزہ ٹی داخل مروک آ امداد بھاز کم ءِ و یونیسیف سویل نا ہسپتال آتیٹی طبی گڑا اتنگ اٹ بے سہب ءِ۔ اووضاحت کرے کہ یونیسیف تون غزہ ٹی 5 سال آن کم وئی نا 340،000چناءُ و او غٹ آن زیات غذائی کاختی نا گواچی ءُ۔ یونیسیف چناتا رکھ و کمک کن غزہ ٹی انسانی بنداوتیا جنگ بندی کن تینا خواست آتا درشانی ءِ کرے۔
