اسلام آباد۔ 27مئی (اے پی پی) ٹی اوآرز بارو خصوصی پارلیمانی کمیٹی ٹی حکومت نا کنڈآن بنجائی وزیر کانود زاہدحامد ئِ باضابطہ وڑاٹ اوڑدہ کننگا، جمعہ آ کمیٹی ٹی ردوبدل نا بابت اسپیکر قومی اسمبلی سردارایاز صادق حکومتی درخواست آ تینا واک آتے کاریم اٹ اتسا نوٹیفیکیشن جاری کرینے۔ قومی اسمبلی سیکرٹریٹ نا ترجمان نا رداٹ حکومت نا کنڈآن بنجائی وزیر دیر و بجلی خواجہ محمد آصف نا پن ئِ پدی ہلنگا و اونا جاگہ غا بنجائی وزیر کانود زاہد حامد ئِ باضابطہ وڑاٹ کمیٹی ٹی اوڑدہ کننگا، یات سلے کہ وزیر کانود زاہد حامد بلحاظ عہدہ کمیٹی نا باسک ئسک داسا او باقاعدہ وڑاٹ کمیٹی نا باسک مننگ نا حیثیت آن تینا فرض ئِ پورو کیک، کمیٹی ٹی 6حکومتی و 6اپوزیشن جماعت آتیان تعلق تخوک آ باسک آک اوڑدہ ئُ۔

متعلقہ مضامینمصنف کی طرف سے مزید